हिमायतनगर : कारला (ता. हिमायतनगर, जि. नांदेड) येथील गरीब आई-वडिलांचा एकुलता एक मुलगा असलेला धोंडिबा किसन एटलेवाड हा युवक भारतीय लष्करामध्ये भरती झाला आहे. त्या निमित्ताने त्याच्या भव्य सत्कार सोहळ्याचे आयोजन ग्रामस्थ आणि तिसरी आघाडी मंडळाने केले होते.
प्रतिकूल परिस्थितीवर मात करून धोंडिबाने लष्करात जाण्याचे स्वप्न पूर्ण केले. दिवाळीनिमित्त तो आपल्या गावी येताच ग्रामस्थांनी त्याचा आई-वडिलांसह भव्य सत्कार समारंभ आयोजित केला होता. सत्कार सोहळ्याचे आयोजन सुरेश चप्पलवाड, सोपान बोंपिलवार, भीमराव लुम्दे, जांबुवंत मिराशे, दत्ता चितलवाड, नाथा मोरे, शिवाजी एटलेवाड, अंगद सुरोशे, संभाजी सूर्यवंशी, सोनबा रासमवाड, गजानन कदम, आनंद रासमवाड, ओम मोरे, संतोष गुंफलवाड, नरसिंगा ताटेवाड, श्रीराम मुठेवाड, शिवाजी लुम्दे, अक्षय मोरे यांनी केले होते.
